كريم العدل يشن هجوما على البلوجر محمد طاهر لهذا السبب

هاجم كريم العدل البلوجر محمد طاهر المعروف بنقد عدد من الأعمال الفنية العربية والغربية، وذلك بطريقة كوميدية، كما ينشر عدد من الملخصات لبعض الأعمال.

وكتب كريم العدل من خلال حسابه على موقع التواصل الاجتماعي فيسبوك معبرا عن رأيه في طريقة محمد طاهر في نقد الأعمال الفنية قائلا: " 
مش نقد.. ده اسمه قلة ذوق وعيب، والعيب مش عليه لوحده.. أي فنان ممكن يعمل فيلم أو اتنين أو أكتر وحشين، وممكن مايعجبكش وده حق أصيل لأي شخص".

وأضاف: "وتقدر تنتقد الفيلم بأبشع الطرق.. لكن تغلط و تجرح في الناس سواء ممثل أو مخرج أو ايا كان، دي اسمها قلة أدب.. و لو النقابات الفنية ماتصرفتش ووقفت هذا الشخص عند حده، اللي قاعد ياكل عيش بشتيمة الفنانين و الفنيين في كل فيديو من اللي بيعملهم".

واختتم: "يبقى مليون عيب علينا احنا كمان.. و عيب اكبر كمان على النقاد الكبار، اللي ساكتين على أن الشخص ده يتقال عليه ناقد فني، وقلت قبل كده ان الصحفيين و المذيعين اللي كانوا بيستضيفوا البني ادم ده و يسموه ناقد فني، هما اللي هيوصلونا للحتة دي.. و اهه حصل".